ਤਾਜਾ ਖਬਰਾਂ
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇੱਕ ਵਾਰ ਫਿਰ ਵਿਦੇਸ਼ੀ ਵਪਾਰ 'ਤੇ ਸਖ਼ਤ ਰੁਖ ਅਖ਼ਤਿਆਰ ਕਰਦਿਆਂ 20 ਤੋਂ ਵੱਧ ਦੇਸ਼ਾਂ 'ਤੇ ਨਵੇਂ ਟੈਰਿਫ ਲਗਾਉਣ ਦਾ ਐਲਾਨ ਕੀਤਾ ਹੈ। ਟਰੰਪ ਨੇ ਆਪਣੀ ਸੋਸ਼ਲ ਮੀਡੀਆ ਐਪ ਟਰੂਥ ਸੋਸ਼ਲ ਰਾਹੀਂ ਦੱਸਿਆ ਕਿ ਯੂਰਪੀਅਨ ਯੂਨੀਅਨ ਅਤੇ ਮੈਕਸੀਕੋ 'ਤੇ 30 ਫੀਸਦ ਟੈਰਿਫ ਲਗਾਇਆ ਜਾਵੇਗਾ, ਜੋ 1 ਅਗਸਤ ਤੋਂ ਲਾਗੂ ਹੋਵੇਗਾ।
ਉਨ੍ਹਾਂ ਮੈਕਸੀਕੋ ਨੂੰ ਅਮਰੀਕਾ ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਆਮਦ ਲਈ ਜ਼ਿੰਮੇਵਾਰ ਠਹਿਰਾਇਆ ਅਤੇ ਯੂਰਪੀ ਸੰਘ ਨੂੰ ਵਪਾਰਕ ਅਸੰਤੁਲਨ ਪੈਦਾ ਕਰਨ ਵਾਲਾ ਦੱਸਿਆ।
ਇਸ ਤੋਂ ਪਹਿਲਾਂ ਉਹ ਲੀਬੀਆ, ਅਲਜੀਰੀਆ, ਇਰਾਕ, ਮੋਲਡੋਵਾ, ਫਿਲੀਪੀਨਜ਼ ਅਤੇ ਬਰੂਨੇਈ ਸਮੇਤ ਛੇ ਹੋਰ ਦੇਸ਼ਾਂ ਨੂੰ ਟੈਰਿਫ ਸੂਚੀ ਵਿੱਚ ਸ਼ਾਮਲ ਕਰ ਚੁੱਕੇ ਹਨ। ਬ੍ਰਾਜ਼ੀਲ 'ਤੇ ਸਭ ਤੋਂ ਵੱਧ 50% ਟੈਰਿਫ ਲਾਇਆ ਗਿਆ ਹੈ, ਜਦਕਿ ਮਿਆਂਮਾਰ ਅਤੇ ਲਾਓਸ 'ਤੇ 40-40%, ਅਤੇ ਹੋਰ ਕਈ ਦੇਸ਼ਾਂ 'ਤੇ 25% ਤੋਂ 36% ਤੱਕ ਦੀ ਦਰਾਂ ਲਾਗੂ ਕੀਤੀ ਗਈ ਹੈ।
ਭਾਰਤ ਨੂੰ ਲੈ ਕੇ ਹਾਲੇ ਕੋਈ ਟੈਰਿਫ ਨਹੀਂ ਲਗਾਇਆ ਗਿਆ, ਪਰ ਦੋਵਾਂ ਦੇਸ਼ਾਂ ਵਿੱਚ ਵਪਾਰਕ ਸਮਝੌਤੇ ਦੀ ਗੱਲ ਚੱਲ ਰਹੀ ਹੈ।
Get all latest content delivered to your email a few times a month.
